Shoco Legends Aruba Bike Club a tene un Sunset Ride

ORANJESTAD (AAN): Diasabra atardi a tuma lugar un recorido di motocicleta cu a wordo organiza pa a grupo conoci di motociclista di Aruba, Shoco Legends Aruba Bikers Club.

E biaha aki e grupo di amante di motorcycle a tene un asina yama ‘Sunset Ride’, unda cu hende homber y hende muher sea nan so riba brommer of como pareha, a disfruta di bahada di solo mientras cu nan tabata core riba e careteranan di nos isla.

E participantenan a core entre otro riba Harley Davidson, Hayabusa y Quadracer.

Un cos ta sigur, tur hende den e grupo a disfruta y a relaha durante e trip.