ORANJESTAD (AAN): Diamars 5 di april 2022, Parlamento nos a finalisa cu tratamento di presupuesto di pais Aruba, caminda esaki a keda aproba.
5 dia di trabao intenso reuniendo alrededor di 14 ora of mas, caminda Diamars na final mester a vota riba 43 mocion, 2 amienda, 2 nota di cambio y e ley mes. Despues di a studia e presupuesto, a haci 152 pregunta por escrito, a hiba palabra riba tur 5 dia continuado cu pregunta, critica constructivo, aportando na solucion, mi por bisa cu ami por a aproba presupuesto 2022 di Pais Aruba.
Shailiny Tromp-Lee di Partido MEP, a indica cu el a presenta 1 mocion durante tratamento di presupuesto cu tabata trata e problematica di Werkster/SKOA y cu a keda aproba. No obstante e retonan cu Pais Aruba tin riba su caminda, mi ta convenci cu nos lo logra supera tur obstaculo. Mescos cu nos a logra maneha y sobrepasa e pandemia mescos den union cu mesun determinacion nos mester traha riba recuperacion di nos isla.
E tremendo recuperacion turistico sigur lo ta un empuhe grandi pa nos economia. Awe nos a aproba un presupuesto cu mester garantisa e seguridad di nos hendenan y nos pais, cu mester percura pa enseñansa di calidad, y caminda ta keda enfoca riba crea solucion pa nos crisis social y alavez e problematica cresiendo di salud mental. Sigur e aspecto financiero di Pais Arub lo sigui haya e atencion necesario y urgente. Otro areanan cu mi a enfoca riba nan ta innovacion, enseñansa, deporte, social, cultura, turismo y labor.
Pa termina mi kier a gradici tur minister y nan expertonan cu a traha riba e ley importante aki. Danki na pueblo di Aruba cu a cana cu nos den e proceso di tratamemto di e ley. Boso sosten y apoyo a motiva nos sigur. Trahando hunto, den union, sigur nos lo logra pone e pais aki back riba pia y sigui pone nos hendenan central. Pabien Aruba.
