Setar orguyoso di a patrocina conferencia di Women Empowering Women

ORANJESTAD (AAN): Diasabra mainta, Women Empowering Women Aruba (WOW) a organiza nan conferencia ‘The Power Within’.

E di 3 edicion a conta cu participacion di dos orador internacional, Fallon Carter y Miles Mercera. E evento a demostra di ta un experencia positivo y transformativo pa tur cu a atende.

   Miles Mercera a comparti su experencia riba e tema di mentalidad y con pa cultiva un mente positivo tur dia pa saca lo miho di bo bida. ‘Forever Young’ tabata su palabra, unda el a enfoca riba explora sin miedo, ta optimista y tin resistencia pa logra tur bo soñonan y metanan.

   Fallon Carter a destaca cu su personalidad autenico y humoristico. Fallon su mensahe ta pa cada persona busca nan forsa interior y no laga bay di bo identidad unico.

   E compania Setar NV tabata presente y ta orguyoso pa a forma parti y brinda sosten na e conferencia aki. Setar NV kier a felicita henter e team di WOW. Nan ta mira e importancia di eventonan asina pa promove crecemento di cada persona den comunidad.