Roxana Ras, Gerente di Mercadeo di Setar N.V.:
ORANJESTAD (AAN): Dialuna 20 di october, Setar N.V. a inicia Setar Digital Week, destacando poder di tecnologia pa impulsa progreso na Aruba. Como proveedor principal di telecomunicacion di nos isla, Setar N.V. ta reafirma su compromiso pa sigui avansa innovacion digital y fortalece e comunidad via conectividad.
Durante Setar Digital Week, esnan interesa lo tin oportunidad pa participa na un serie di sesion interesante dirigi pa experto y profesionalnan local. Tur dia lo presenta 6 topico nobo y relevante, cu tin impacto pa Aruba, cu ta forma e mundo digital. Di innovacion y siguridad te creatividad y comunicacion, cada sesion ta diseña pa educa, inspira y duna poder na comunidad digital di Aruba.
Tambe lo tin banconan local cu lo tey pa yuda nan clientenan pa nan por traha miho cu nan online banking. WEB Aruba NV tambe lo tey pa duna informacion especialmente riba nan sistema di WhatsApp. Pay.aw lo ta presente pa yuda setup account y duna informacion. Lo tin mas topico entre otro; ChatGPT, AI, Health App, Fake News, Fake content, Cyber security.
Gerente di Mercadeo di Setar N.V. Roxana Ras a remarca cu ainda tin luga habri y por registra pa un topico desea. Por haci esaki via website di Setar N.V. y ta completamente gratis y lo tuma luga na Setar Conexion Center na Seroe Blanco.
Como pionero digital di Aruba, Setar N.V. ta invita e comunidad pa explora con innovacion ta cambia e manera cu nos ta biba, traha y conecta, creando caminda pa un futuro di un isla mas inteligente, sigur y sostenibel.