Despues cu Hues a ordena cu tur 15 comisario mester worde tuma bek
ORANJESTAD (AAN): Despues cu Diabierna 10 October 2025, Hues den su sentencia a ordena pa tur e 15 Comisarionan mester worde tuma back na trabao, nan tur a worde suspendi pendiente investigacionnan andando na e companianan.
Ta asina cu mientras cu Hues tabata studia e caso pa tuma un decision, investigacionnan a sigui tuma lugar na e companianan WEB Aruba NV, NV Elmar, Elmar, Aruba Wastewater Sustainable Solutions (AWSS), Aruba Renewable Energy N.V. (ARE)
Tur comisario suspendi: Investigacionnan a mustra cu e Comisarionan a haci hopi cosnan cu no ta corecto. Entre otro a constata cu tin Comisarionan a formula un contract, cual no ta reconoci na Hulanda, pa beneficia nan mes. Apesar di conseho negativo riba e contract, nan a forza pa gerencia di e companianan firma un contract caminda nan por haya te cu 36 luna di salario di daño ora kita nan for di trabao.
Tambe a constata otro practicanan cu cierto Comisario lo a haci, cual no ta corecto.
Interoga comisarionan: Ta asina cu relaciona cu e suspensionnan aki, gerencia di e companianan lo bay interoga cada un Comisario.
Ta asina cu NV Elmar, Aruba Wastewater Sustainable Solutions (AWSS) y Aruba Renewable Energy N.V. (ARE) a cuminsa caso sumario contra cierto comisarionan. NV Elmar a cuminsa caso contra 5 Comisario, AWSS contra 6 y ARE contra 3.
Tratamento di e caso sumario lo ta dia 6 November 2025.
