Setar cu tres donacion riba Dia di Bestia

ORANJESTAD (AAN): Riba Diabierna a celebra Dia Mundial di Bestia, un dia pa pensa riba e importancia di e bienestar di tur bestia cu ta biba hunto cu nos riba e planeta aki.

   Na e compania Setar NV, nan ta kere den inverti y yuda e voluntarionan y fundacionnan cu ta dedica nan tempo pa duna amor, refugio y cuido pa e bestianan cu no tin otro caminda pa bay.  Pesey Setar a haci un donacion na 3 fundacion cu ta Donkey Sanctuary Aruba, Nine Lives Aruba Foundation y Aruba Animal Shelter.

   Inverti den e fundacionnan aki no ta solamente un acto di bondad, pero e ta pa asegura cu cada bestia sin importa nan situacion, por haya e cuido cu nan merece. E siman aki, laga nos mustra amor y reflexiona riba e papel cu nos tur tin pa cuida y proteha nan.