Invertiendo den futuro di nos hobennan
ORANJESTAD (AAN): Diahuebs mainta SETAR tabata presente na Universidad di Aruba pa haci entrega di un check di donacion. Pa di cuater aña consecutivo, SETAR ta contribui cu AWG 10.000 na e Student Development Fund di Universidad di Aruba.
Un fondo cu ta provee asistencia financiero na studiantenan, yudando asina cubri costonan relata na estudio, vivienda of stage den exterior como tambe fondo pa bishita congreso of pa desaroyo di entrepreneurship.
Educacion ta e fundeshi di e futuro di Aruba y como compania local SETAR ta orguyoso di continua cu nan partnership cu Universidad di Aruba y contribui na empodera nos studiantenan cu e hermentnan necesario pa por ta exitoso den nan estudio.
