ORANJESTAD (AAN): Como iniciativa pa mas cu 5 aña, SETAR ta ofreciendo backpack cu material di scol na 175 mucha.
SETAR ta reconoce e importancia di educacion pa nos muchanan y hobennan y cu e iniciativa aki SETAR ta sigura cu nan tin hermentnan necesario pa nan cuminsa nan trayecto educativo cu entusiasmo y confiansa.
Educacion ta Importante pa trece Cambio Positivo:
Educacion ta e tool poderoso pa cambio y SETAR ta compromete pa contribui continuamente na desaroyo di nos comunidad. Ofreciendo e backpacknan aki ta mas cu solamente reparti material; ta trata di incentiva e gana pa siña y duna e muchanan y hobennan un forza pa cuminsa nan aña escolar positivo.
Un Tradicion di Duna Bek:
Durante e añanan, SETAR semper ta forma parti di diferente iniciativa cu ta yuda muchanan y famianan den nos comunidad. SETAR ta orguyoso pa tin un impacto postivo riba bida di nos muchanan den diferente manera y e iniciativa di backpack sigur ta uno special pa e compania.
Den e imagennan por mira e SETAR Marketing Team entregando 175 backpack na Fundacion Creciendo kende lo distribui esakinan entre muchanan cu ta asistiendo diferente scol riba nos isla.
