ORANJETSAD (AAN): Informacion for di Curaçao ta indica cu President di e tres Colegionan di supervision financiero (Cft),
señora Lidewijde Ongering, a anuncia Diahuebs cu e lo renuncia su tareanan di supervision entrante prome di februari 2026. Riba e dia ey, su prome plazo di nombramento ta termina.
Mas atencion pa bida priva: Na final di e aña aki, señora Ongering ta cumpli 67 aña, y esaki ta marca e cuminsamento di un fase nobo den su bida. E ex-funcionario halto di gobierno y President actual di e Colegionan ta conoci pa su etica di trabao fuerte. "Mi a disfruta e oportunidad di ocupa posicionnan responsabel na cabes di Reino, pero awor mi mester di mas tempo pa mi bida priva", Ongering a declara.
Retrospectiva: Bao di e liderazgo di Ongering, e Colegionan a emprende hopi actividad. Varios biaha, ora a pidi nan pero tambe riba iniciativa propio, e Colegionan a alerta tocante di riesgonan cu nan ta mira ta surgi den e presupuestonan di e paisnan y Hulanda Caribense. Semper respetando e retonan cu e paisnan ta enfrenta.
Banda di esaki, Cft a keda pidi atencion pa reformanan necesario, por ehemplo den cuido di salud y e servicionan di impuesto di e paisnan. Otro tema cu Ongering a pone enfasis riba dje den Cft, ta mehoracion di maneho financiero.
Kende lo bira su sucesor? A sali na cla cu Ministerio di Asuntonan Interior y Relacionnan den Reino lo coordina e sucesion di señora Ongering. E potret pa cortesia Nathan Roosberg.
