‘Senior Walk 2025’ ta sigui cu bunita tradicion di International School of Aruba

ORANJESTAD (AAN): E ta ser yama ‘ISA Senior Walk’, el a bira un bunita tradicion cu e alumnonan di e ultimo cas ta pasa aden,

net prome cu nan gradua.

   ISA Senior Walk, ta un despedida profundo cu e scol ta duna na e futuro graduadonan, mientras cu nan ta haci nan ultimo paseo riba e campus di scol aki situa den Wayaca Residence.

   Nan ta haci e caminata aki, rondona pa gritamento, brazamento, y recuerdonan, y tabata mey-mey di presencia di nan mayornan, amigonan, docentenan, y henter e famia di International School of Aruba.

   E tabata un dia hopi emocional, yena di orguyo, reflexion, y emocion pa loke ta sperando nan awor.  Tur esnan cu a bisa nan ayo, ta increiblemente orguyoso di tur di nan, y cada uno di e graduadonan y ya caba ta spera cu hopi anticipacion di e cosnan increibel cu nan lo bay logra den e siguiente capitulo di nan viahe.

   Un palabra di dank na e team di ISA cu a organiza e evento significante y memorable aki.  Riba potret por mira mas di e tradicional ISA Senior Walk.  Exito na cada studiante den futuro.