Semana Santa y Campamento a pasa masha lihe mes

ORANJESTAD (AAN) – Ta parce cu Siman Santo y campamento a pasa masha lihe.  Awe, 17 di April,

ya caba muchanan ta bolbe den nan mundo escolar, mayornan tin cu yena cu pasenshi den trafico tanto pa hiba nan yiu scol como a busca nan traimerdia, y asina e ciclo di e dia, dia ta bin bek na normalidad.

No obstante mester remarca cu e ultimo dos simannan tabata tin un trafico hopi, pero hopi druk mes, riba tur caminda, apesar cu no tabata tin scol y tabata tin e dianan liber di Siman Santo sigui pa e campamento.

Como tal, diadomingo 16 tabata e delaster dia pa campa. Manera polis a yega di bisa algun siman prome dialuna 17 tur hende mester lanta nan tent, y tur loke nan a pone riba beach pa campa, y ta di spera si cu enberdad e beachnan keda completamente limpi, manera e usuarionan a haya nan cu esfuerzonan conhunto di City Inspector y Serlimar, principalmente.

Riba combinacion di potret por observa algun imagen di campamento den e area di hotel, y tin indicacion cu tabata tin hopi hende disfrutando di nos bunita beachnan y lama, tanto local como turista.