Seis militar di Region Karibe Hulandes a entrena pa bira instructor

ORANJESTAD (AAN): E siman aki, un total di 6 Militar di Region Caribe Hulandes por a ricibi nan certificacion como instructor den forma di un feneta, e asina yama ‘Uiltje’ (shoco).

   Ta di prome biaha cu Marina Real por otorga e pin aki na 5 Militar di Curacao y 1 Militar di Aruba. Siman pasa e instructornan nobo aki a demostra mediante un evaluacion cu a haci di nan, cu nan ta competente pa entrenan otro Militar.

   E training cu descanso intermedio, a start na aña 2020.  E pandemia di COVID, cu diferencia di cultura y barera di idioma a percura pa retonan; no obstante esakinan e candidatonan tur e tempo aki a keda motiva pa completa e formamento cu exito. E Hefe di Departamento di Formacion di Marina Real, KTZ Meijer, personalmente a entrega e feneta nan na Kazerna di Marina na Suffisant, Curaçao.

   E logro memorabel aki ta un paso grandi pa Militarnan di Caribe Hulandes. E instructornan for di awor por entrena reclutonan nobo pa bira militar. Banda di esey, nan por duna formamento avansa na personal Militar actual. E 6 instructornan nobo ta e prome instructornan den e parti di Caribe Hulandes di Reino.