ORANJESTAD (AAN): Un informacion cu a hala atencion ta e recien declaracion di Secretario di Estado Hulandes Alexandra Van Huffelen.
Parce cu e gobierno di Hulanda no ta kere cu e palabra 'ilegalnan' pa haci referencia na e venezolanonan sin documento di residencia ta corecto.
Segun e Secretario di Estado di Relacionnan di Reino Van Huffelen, e termino aki mester wordo evita.
Van Huffelen a bisa como contesta na e preguntanan di Tweede Kamer, cu a nota e palabra den e plan anual di Warda Costa di Caribe.
Secretario di Estado a laga sa cu e lo duna mas atencion na e rapportnan futuro di Warda Costa pa asina percura pa e palabra 'ilegal' no wordo uza mas.
