ORANJESTAD (AAN): E siman aki Crisis Team a anuncia cu mirando e situacion di aumento di casonan di Covid, a dicidi di hala e fecha pa studiantenan por regresa scol.
Crisis Team a evalua e data ricibi di directivanan di scol y e data ta indica cu apesar cu tin algun maestro y docente den cuarentena y isolacion na e momento aki, ta necesario y importante pa scolnan habri dialuna awo.
Mientras tanto e cambionan den protocol a wordo manda pa scolnan.
Durante e siguiente dia y simannan, directiva di Scolnan y Crisis Team lo sigui monitor e desaroyo di e pandemia y lo evalua si ta necesario pa tuma mas medida.
Gobierno y Crisis Team ta reconoce y gradici e cooperacion ricibi pa tene scolnan dos dia cera, y ta desea tur maestro, docente y alumnonan hopi exito.
