Scol Soeur Juliette a haya 38 unidad di airco pa fria e scol

ORANJESTAD (AAN): Manera cu DIARIO a indica caba, na Ayo tabatin conferencia di prensa convoca na Scol Soeur Juliette riba prome dia di scol,

como cu e alumno-, docente-, y Ministro tabata kier a celebra e hecho cu e edificio aki cu antes tabata Emma School lo tin awor airco den tur lokaal.

   Na aña 1954, Emma School a cuminza funciona den Shakespearestraat net pabao di Wilhlemina Stadion.  Na aña 2001, full e scol a muda pa Ayo pa un compleho di edificio di dos piso.  E scol na Ayo no tabatin cura full rond di dje, specialmente e parti patras tabata habri.  Pero como un aña pasa esaki a wordo cera cu un cura nobo.

   Pero e deseo grandi tabata pa e klasnan aki haya airco, como cu tabata haci hopi calor y claro un airco awendia no ta luho mas.

   Aña pasa na Juni, Prome Ministro Evelyn Wever-Croes y Ministro Endy Croes tabata eynan y a haci un promesa cu lo bay trece airco pa e scol.  Mester a traha diferente contract, y busca contratistanan pa yuda cu diseño di coriente, y NV Elmar mester a aumenta e capacidad pa por carga e unidadnan nobo di airco.

   Un total di 38 airco nobo a wordo instala na Scol Soeur Juliette.  Ministro a gradici e ex-cabezante cu a baha cu pensioen, y yama bon bini na cabezante nobo Juffrouw Chung. Awor ta tur lokaal tin airco!