ORANJESTAD (AAN): Scol Dununman situa na Piedra Plat 86-B, tin nan mesun hardin unda nan a planta y cultiva Oregano
y awor cu esaki a wordo cosecha, nan a dicidi na traha e saus conoci como ‘Pesto’ y pone nan den boter y ta cla pa bende.
Pesto ta un saus italiano, cu esencialmente ta traha cu azeta di olijfi, y blachinan di oregano, conofloco mula, etc.
Scol Dununman a indica cu e siman aki nan tin dushi Pesto di Organo pa bende. Esaki por wordo cumpra na nan scol solamente entre 12:00 pm y 1:30 pm.
Cu e compra di esaki, bo ta duna e Scol un sosten. Y ademas abo tin Pesto fresco traha na Aruba mes pa bo famia y goza cu bo cuminda.
