Scol Basico Xander Bogaerts a caba di haya bañonan renoba pa studiantenan

ORANJESTAD (AAN): Tabata algun tempo pasa, ora cu Ministro di Enseñanza Gerlien Croes a haci un bishita di cortesia na

Scol Basico Xander Bogaerts den Jasmijnstraat na San Nicolas, cu el a ricibi un informacion no mucho agradabel di e cabezante Nadia Maduro.

   El a mustra Ministro cu nan situacion di bañonan publico pa e alumnonan, principalmente esnan pa mucha hombernan ta hopi deplorabel.

   Ministro mesora a pone man na obra, pa yama e Departamento concerni, y mesora a traha un plan, y a crea un proyecto pa renoba e bañonan aki.

   Awor na Juli, esaki a keda cla y recientemente Ministro Gerlien Croes mes a acudi na e scol pa asina haci entrega oficial di e bañonan.  Y e edificio di esaki, cu tur bañonan a keda perfectamente remodela, y cu colornan bunita tambe.

   Bañonan pa mucha homber a keda masha bunita mes, y cabezante fuera docentenan a keda masha impresiona y contento cu esaki.  Ademas di esey, e staf di scol tambe a haya 2 baño nobo tambe, y a haya espacio pa e 3 werksternan tambe.

   Team completo di Scol Basico Xander Bogaerts awor ta hopi contento cu e resultado, y nan ta gradici Ministro Gerlien Croes inmensamente pa honra nan peticion.  Potretnan pa cortesia di Ministerio di Enseñanza.