ORANJESTAD (AAN): E sorteo di Diahuebs siman pasa den oranan di anochi, a produci e number 0000 y e signo Scorpio pa e sorteo di Zodiac.
Diferente persona local a gana premio cu e combinacion di ‘0000 Scorpio’ aki. Lotto a indica cu un total di 139.700 Florin a wordo reparti entre ganadornan.
Uno di nan ta Saturno. El a acudi Diabierna na oficina di Lotto pa reclama su premio.
Saturno a bisa cu el a djis purba su suerte, y el a gana! Pesey Diabierna mes el a acudi na oficina di Lotto na Playa pa reclama su premio. Ora di a scan e barcode di su ticket, e computer a confirma cu el a gana 12.500 Florin danki na e number 0000 di Zodiac.
Mesora a start e proceso pa transferi e premio electronicamente pa su cuenta di banco. Saturno a bisa cu e ticket ganador mes el a cumpra na Lucky Angel na Tanki Leendert.
