ORANJESTAD (AAN): Diahuebs anochi e sorteo di Zodiac a saca un number peculiar. Cuatro bolita di ‘0’ a sali, hunto cu e signo Scorpio.
Diferente persona local a gana premio cu e combinacion di ‘0000 Scorpio’ aki. Lotto a indica cu un total di 139.700 Florin a wordo reparti entre ganadornan.
Uno di nan ta Antonio. El a acudi Diabierna na oficina di Lotto pa reclama su premio. El a bisa cu el a wak luna, y el a dicidi na purba su suerte, y a cumpra number 0000.
Na Lotto nan a scan e barcode di su ticket, y e computer a confirma cu Antonio a gana 90.000 Florin. Mesora a start e proceso pa transferi e premio electronicamente pa su cuenta di banco. Antonio a bisa cu e ticket di 0000 aki el a cumpra na Suemar Lottery 3.
