ORANJETSAD (AAN): Grupo di Oracion “Inmaculada Curason di Maria” ta recorda tur debotonan di Mama Maria cu Diaranson 13 di September 2023,
ta reunie pa 6 or di atardi na e Monumento di Inmaculada Curason di Maria na Sta. Cruz.
Riba diaranson ta resa Misterio Glorioso, prome cu Santo Sacrificio di 7 or pm. Ta invita tur deboto y esnan cu a Consagra pa bin resa Santo Rosario. Tur cu a Consagra ta invita pa asisti y resa dilanti di e monumento di Inmaculada Curason Maria.
Mama Maria sigur ta warda tur cu a consagra. Dia di a consagra nos a resa ora di Bendicion: Dios, principio y fin di nos Santidad, cu ta yama esnan cu a bolbe nace di awa y di Spirito Santo pa bin na e plenitud di gracia y e perfeccion di caridad, wak benignamente riba Bo sirbidonan cu ta ricibi piadosamente e Scapulario aki di Sagrado Curason di Hesus y Maria y haci cu nan ta converti den imagen berdadero di Cristo, asina cu, na final di nan bida terenal, cu ayudo di Santisima Birgen, nan merece di drenta den alegria di Bo Cas Celestial.
Como yiunan di Maria, E ta bisa cada alma: “Bisti’e Scapulario cu debocion y cu perseveransa. E ta mi bisti. Ora bo tin’e bisti ta nifica cu continuamente bo ta pensa riba Mi y a Mi na Mi banda, semper Mi ta corda riba bo y yuda bo pa segura bida eternal. Kende cu muri cu e scapulario bisti, lo no sufri candela eterna”.
