Lo tin deadline pa registra!
ORANJESTAD (AAN): Jan Hoek ta un artista grandi di Hulanda, y e ta rumbo pa duna un workshop na Aruba! Pesey mes esnan interesa ta mas cu bonbini pa bin traha cu e maestro aki. No perde e oportunidad unico aki di bin traha cu e gran persona artista aki.
Jan Hoek lo ta dunando un workshop na Ateliers ’89 y aki lo bay purba di registra tur cos cu abo ta pensa cu ta arte. Pesey den e workshop aki lo bay bira tur cos cabes abao pa asina defini kico ta arte, y kico no. No ta e expertonan di arte mester stipula kico ta arte o no, sino e ta algo cu tur hende mes lo por haci.
Bo tin un wela cu kizas ta brei e animal nan mas lief di knuffel, wel esey ta arte? Bo tin un prima cu cu ta pinta dibuho nan di mucha, cu ta diferente na tur otro dibuho di mucha cu bo a yega di mira, esei tambe ta arte. Bo tin un bisiña cu a colga su murayanan yen cu cosnan precioso cu el a haya na Aruba, e ora mas hende mester por mira esaki.
Lo bay en busca trahador nan cu ainda no ta conoci como artista, pero cu si mester sera conoci como artista. Ta bay mira kico tesoro nan di naturalesa mester ta den un museo. Tambe ta bay mira ki tesoronan di bo cas ta asina valioso cu nan por worde yama arte. Ma mientras tanto nos mes ta bay ta traha duro pa mira con nos mes ta bay realisa pa tur e trabao nan ya existente y hende e mihor museo.
No ta bay fotografia loke nos no por hiba cu nos. No ta bay skirbi na mundo henter kico abo ta pensa cu ta e arte cu mester worde mira.
Lo termina cu un exposicion grandi den e sala nan na Ateliers '89 mes cu nos mes lo traha y pone tur cos y tur hende den spotlight cu merece esaki, cu despues tur hende ta haya sa; e obra di arte di mas bunita tabata semper rond di bo, bo a mira mas mihor.
DIARIO a compronde cu debi na cambio di schedule cu a bira mas trempan, esey nifica cu deadline ta cambia tambe. Pues inscribi rapido door di manda un e-mail na This email address is being protected from spambots. You need JavaScript enabled to view it. pa esaki.
DIARIO a compronde cu e workshop aki ta pa un luna y ta for di Dialuna pa Diahuebs di 6.30 pm pa 9.30 pm, y ta pa esnan di 12 aña pa riba. Ateliers '89 ta situa na Dominicanessenstraat 34.
