Santa Rosa tin su Web App nobo y tur agricultor por registra  

 ORANJESTAD (AAN): E App nobo di Santa Rosa tin algun siman caba den funcion. Ta comprendibel tambe cu ainda tin personanan cu tin poco dificultad pa registra y/of con ta yega na e WEB APP di Santa Rosa.

            E Web App cu ta funciona casi similar cu un App normal. E bunita di e sistema aki ta, cu e Web App aki ta funciona riba tur tipo di device, tanto via un telefoon celular, un Tablet y tambe riba PC.

            E aplicacion ta masha fasil y amical pa traha cune. Tur persona di chikito te cu nos grandinan por bishita www.santarosa-aruba.org y registra. E manera mas fasil na e momentonan aki ta pa bishita Santa Rosa cu Facebook page. Click riba e link unda ta scirbi http://www.santarosa-aruba.org/ y esaki na hiba bo directamente na e Web App. Asina bo por cuminsa yena tur dato. Tur informacion ta keda registra den un forma confidencial pa e uso di Santa Rosa y datosnan general por wordo comparti.

            E  App aki ta pa e Departamento tin un mihor bista con, cuanto y kico ta wordo produci na Aruba. Esaki tambe ta yuda Santa Rosa pa duna un mihor servicio y conseho nan tanto na e agricultornan como na e Minister encarga cu e Sector.

Por semper hasi uso di e barcode pa facilita acceso na e Web App.

            Santa Rosa ta hasi un invitacion na tur agricultor pa bishita e adres ariba menciona y registra.