Santa Rosa dunando cooperacion estrecho cu stagiairenan di Scol SPO

ORANJESTAD (AAN): Na momento cu tin cooperacionnan estrecho den cualkier manera y/of situacion hopi biaha plan y ideanan ta cana bon contal tin cumplimento di ambos banda.

Ta simplemente e plabaracionan mester worde bon difini pa por tin bon resultado.

   E oportunidad ofreci pa por siña y desaroya conocimento semper ta puntonan positivo pa avansa den cualkier carera. Asina tambe ta gana experencia na momento cubo hayabo den un trabao pa ehecuta esaki por ta un poco mas fasil pa motibo cu ya abo tabata tin e experiencia aki caba na momento cu e alumno a worde brinda na dje e oportunidad den e tipo di trabao aki di agricultura.

   Departamento di Agricultura, Cria y Pesca Santa Rosa semper su portanan ta habri ta pa cualkier alumno/stagiaire cu ta desea di gana nan experiencia aki, semper ta bon bini.

   Nos departamento na e momentonan aki ta conta cu dos stagere cu ta ganando experecia den Sector Primario. Bao guia di coleganan e hobennan Alexander Webb y Nelson Wernet ta haciendo tremendo trabao cultivando y experenciando diferente cultivo. Tur dos ta di scol SPO Santa Cruz.

   Por admira un technical cu a dos hobennann aki ta eherciendo cu ta plantando den bakinan aki na Santa Rosa. Preparando e tera den a bakinan pa despues pone e simiya. Despues di pone e simiya envez di tapa e simiya cu e tera ta tapa e simiya cu sas di palo, un tipo di mulch cu ta bay mantene e tera humedo y yuda e simiya germina sin problema.

   Varios di e technicanan aki ta cu ayudo, instrui y bou guia pa asina e alumno por practica esaki y siña con e prosesonan aki mester cana pa por tin un cosecha exitoso sin problema.

   Nos Departamento di Agricultura, Cria y Pesca ta sumamente contento di por traha y guia e hobennan aki cu sigur ta un estimulo tambe pa nan por ta mas interesa den nos Sector Primario. Practica agricultura na un mihor forma posibel cu nan mes por haci esaki sin problema y mas cu tur cos crea y cosecha mas conocimento na momento di planta, cuida y cosecha. Factornan di sumo importancia den agricultura.

   Nos ta felicita e hobennan aki pa nan interes y sigur durante di nan periodo di stage nan por a siña mas di esaki. Danki tambe na SPO Santa Cruz pa confianza y trahando semper den bon cooperacion. Semper nos portanan ta keda habri na tur otro alumno cu ta desea di stage aki na Santa Rosa y siña mas di e bunita trabao aki. Asina tambe nos por tin mas agricultor cu por produci cualkier tipo di producto fresco pa Aruba.