Santa Rosa cu presentacion special pa FUNARI

ORANJESTAD (AAN):  Departamento di Agricultura, Cría y Pesca Santa Rosa Semper ta trata na tur manera di comparti conocimento mas tanto posibel di loke ta Sector Primario di Aruba.

Esaki Semper ta nos tarea y cual nos ta bin ta hasi semper.

            Hopi ta scol, instancia y fundacionnan cu ta extende invitación na nos departamento pa duna presentación y tambe workshop. Cu gusto y placer nos ta hasi esaki y nos lo continua hasi esaki pa tur cu ta interesa den un of otro presentación. Nos ta mas cu dispuesto pa comparti conocimiento.

            Departamento di Agricultura, Cri ay Pesca Santa Rosa a wordo acerca e biaha aki pa FUNARI (Fundacion Arubano pa e Invalidonan). Manera e palabra mes ta describi cu eta un fundación pa personanan invalido cu door di nan limitación tabata isola for di comunidad. FUNARI a habri porta pa crea e posibilidad pa tur e personan cu limitación por tin oportunidad di tin contacto cu otro y participa na diferente actividad. Un di actividadnan aki ta entre otro e presentación di Santa Rosa cu a tuma lugar pa medio di nos colega di sr. Ludwig Rasmijn caminda a comparti diferente información di Sector Primario. Comparti información tambe di e terea diariamente di nos departamento.

            FUNARI ta disponi di un hofi traha specialmente pa personanan den rolstoel cu por move facilmente den esaki.

            Un cantidad considerabel a asisti e presentación di Santa Rosa y sigur a keda masha contento cu tur detaye duna.

            Departamento di Agricultura, Cria y Pesca Santa Rosa ta sumamente contento y ta gradici FUNARI pa e invitación pa ofrece nan cliente un presentación interesante di nos Sector Primario.