ORANJESTAD (AAN): Pa promove lesamento bou di hubentud y manera e dicho ta bisa “mas bo lesa mas sabi bo ta”,
Santa Rosa a dicidi di crea oportunidadnan basa riba loke nan ta para p'e cu ta Agricultura, Cria y Pesca hunto cu su seccion di Pesca.
Byron Boekhoudt, un Biologo Marino y Fundacion Centro di Pesca Hadicurari, a percura pa formula dos poster cu nombernan di pisca cu ta mas popular y cu ta wordo gara den nos awanan local. Nos piscadonan ta hunga un rol hopi importante den esaki mas ainda si bo mir'e for di e punto di bista educativo. Santa Rosa ta haya masha importante pa e tipo di informacionnan valioso aki por yega cerca nos studiantenan. .
Durante un reunion cerca Minister Geoffrey Wever, encarga cu Sector Primario a haci entrega oficialmente di dos poster cu diferente nomber di Pisca cu practicamente nos piscadonan ta percura pa esaki diariamente den nan trayecto largo riba lama. Kisas por imagina cu no ta tur persona comedo di pisca conoce e nomber of tipo di cada ehemplarnan aki. Hopi biaha ta puntra e piscado pa asina conoce un poco mas di piscanan. Tin biaha hende no por imagina for di unda un nombernan di pisca por ta deriva.
Esaki a resulta tambe net bon pa cu e proyecto di “Piskechi” cu Minister Geoffrey Wever a anuncia algun luna atras y cu na e momentonan aki ta andando na e pier di Brisas del Mar riba tur diasabra cu ta siña e muchanan con pa pisca.
Intencion ta cu pronto lo bay haci entrega tambe na tur scol primario y asina nos studiantenan por amplia nan conocemento riba nos piscanan mas popular. Sigur e docente ta haya oportunidad pa conoce e tipo di piscanan aki pa medio di e nombernan y pasa e informacion valioso aki pa nos studiantenan.
