ORANJESTAD (AAN): Sandra Croes hunto cu Mariachi Mexicano di Tulancingo, Hidalgo Mexico ta lanza un bunita produccion pa nos luna di celebracion di nos Himno y Bandera.
Un idea cu a nace ora Circo Hermanos Suarez empresa Mexicano tabata na Aruba aña pasa y a acerca Sandra pa cera nan gran espectaculo Circense cu un toque di nos Aruba Dushi tera.
Despues di delibera ki miho escogencia di Sandra pa presenta na final di e show tur anochi hunto cu e Mariachi di Mexico e cancion Abo So, original di Padu Del Caribe un bunita wals den version Mariachi cu a hala masha hopi atencion na final di e show hunto cu tur e artistanan, uniendo e dos culturanan Mexico y Aruba den un cancion.
E Mariachi Abo Si cu ta consisti di Eder Santos, violinista y alavez a canta e duo cu Sandra, Guitarron Carlos Santos, Vihuela Jordi San Agustin, Trompet Mario San Agustin y Jael San Agustin
E cancion aki a wordo graba na DH Studio Music Factory di sr Diego Henriquez y ta bay acompaña cu un bunita video clip pa Ronny Dotel.
