San Nicolas Pop-up Market tabata exitoso

ORANJESTAD (AAN): Riba Diasabra tabatin un otro exitoso Pop-up Market, cu mas di 40 bendedor ofreciendo nan productonan na prijs atractivo.

   Tabatin variedad di producto, articulonan cultural, materialnan di obra di man, y tambe cuminda na cantidad.  Tabatin un area cu sombra pa por a sinta y come, y tabatin area special pa muchanan tambe.  E ambiente tabata hopi den estilo di Pasco, como cu tabatin presentacion di e.o. Chicas Gaiteras, y esaki a crea un atmosfera Navideño special riba Plaza Lolita na San Nicolas.

   Riba combinacion di potret por mira mas di e Pop-Up Market cu un biaha mas tabata hopi bon bishita.