Errol de Freitas, presidente:
ORANJESTAD (AAN) — Errol de Fritas, Presidente di San Nicolas Business Association, den entrevista cu Matutino DIARIO a señala cu den vision di SNBA, nan ta un di e gremionan cu no a lanta pa pidi nada, pero a bin pa duna, y pa mustra camindanan un tin inversionistanan ta warda.
“Nos tin un grupo cu ta parti di un crowd Funding, aki pariba di brug. Cu tin cosnan pa haci, cu nos kier mustra gobierno cu nos por haci, nan tey! E ta gewoon, pa nan tuma den e aspecto aki di locual gobierno ta haci. Nan tin cu yuda nos cu infrastructura, permisologia, anto e vision tin cu fit. Mi no ta kere actualmente, cu tin un porcentahe hopi halto di mineralnan den nos subsuelo cu, den e tempo di e refineria, a bay. E ta bay ta hopi mas chikito, pero su efectividad lo cambia full e costo di bida na Aruba. Kiermen nos no por kita di esey”, De Freitas a señala.
El a agrega cu tur tin wowo riba otro industria, entre otro e “super yacht harbor” y hopi otro cu por haci y cu e inversionistanan tey.
“Nan tey, nos conoce nan, y nan ta warda pasobra na final di dia ta cu gobierno nan tin cu sinta. Mi tin un experiencia cu loke no sosode den dos aña, den termino di gobierno, ta dificil pa e sosode den e resto di cuater aña. Mi ta imagina mi cu si aworaki mi ta bay den pasado, di biaha. Mi ta kere cu den tur semia cu nos planta den dos aña, mi ta sigur cu na yegada di e di cuater aña, nos por weita hopi fruta di dje. Y e frutanan no ta caro, pasobra nos tin inversionistanan ta cubri esey. Nos no ta pidiendo gobierno nada mas cu permisologia y infrastructura. Nos di SNBA tin confianza cu nos lo sinta cu nan”, De Freitas ta acentua.
