PARAMARIBO: Prome Ministro Mark Rutte di Hulanda ta na Suriname, y el a cumpli cu su palabra.
Un dia prome el a contesta periodistanan cu su acaso e topa cu vice-president Ronnie Brunswijk di Suriname, e lo bay dun’e un man.
Y esey ta exactamente loke el a haci Diamars mainta, ora cu e momento aki a presenta na Fort Zeelandia.
Brunswijk a wordo condena den ausencia na 1999 na Hulanda, na un castigo di prison di 8 aña. El a wordo declara culpable di a yuda cu tres contrabando di droga di en total 61 kilo. E tempo ey, Brunswijk a yega di bisa cu e tin nada di haber cu e contrabando ey.
Dialuna Rutte a declara encuanto Brunswijk: “Nos tambe tin un opinion riba Brunswijk. Nos ta respeta e escogencia di pueblo Surinameño pa nombr’e vice-president. Pasobra ta e derecho soberano di Suriname pa haci esey, y nos ta trahando bon cu e gobierno di Chan Santokhi.”
E potret aki ta pa cortesia di Kabinet di President di Suriname.
