ORANJESTAD (AAN): Desde Diamars, ya chauffeurnan no por haci e ‘shortcut’ mey-mey riba e klinkernan di e rotonde aki.
Esey ta debi cu obstaculonan pa descurasha esaki, a wordo poni riba e rotonde di Sero Tijsji.
E instalacion di hopi ‘wowo di pushi’ chikito ta tumando lugar, pa asina pone cu chauffeurnan lo pasa riba dje solamente den caso di extremo emergencia.
Pa algun tempo caba, ta notando cu algun chauffeur riba Green Corridor ta simplemente pasa mey-mey riba e klinker aki. Pues nan ta keda sin draai rond normal rond di e rotonde.
Awor cu e instalacion di e reflectornan aki, bo por pasa eyriba keto bay sinembargo e lo bay ta hopi desagradable.
Riba e potret por mira e trabao andando riba Diamars pa pone e obstaculonan den forma di reflectors.
