Rotary Club Aruba a organiza su evento anual di Pasco na Sonrisa

Compartiendo alegria di fiesta:

ORANJESTAD (ANA): Den fin di siman cu a pasa, Rotary Club Aruba a sigui cu su tradicion di organiza e lunch anual di Pasco pa e clientenan di Sonrisa. E celebracion di Pasco di e aña aki tabata tin un nificacion special. Ya cu pa 10 aña caba cu Rotary Club Aruba ta partner cu Sonrisa pa trece e lunch aki cu un ambiente ameno pa su clientenan.

   E evento a tuma lugar na e Centro di Sonrisa, cu tabata bunita decora pa e dianan di fiesta pa duna e toke pa e celebracion. Miembronan di Rotary y personal di Sonrisa a yama clientenan bon biní cu brasa habrí, sigurando cu nan a sinti e calor y alegria di e temporada di Pasco.

   A sirbi un dushi lunch, prepará cu amor y atencion, haciendo sigur cu tur hende tabatin un momentu pa disfruta di un cuminda festivo den gran compania. E celebracion a culmina cu musica anima di aguinaldo “Flor di Pasco”, kende a agrega un ambiente vibrante di alegria di Pasco. Clientenan y boluntarionan a canta y baila riba melodianan tradicional, creando un esfera di alegria y union.

Reflexionando riba un decada di e tradicion aki, Rotary Club Aruba ta increiblemente orguyoso di e laso duradero forma cu e comunidad di Sonrisa. Loke a cuminsa como un solo acto di bondad a crece bira un evento importante, profundamente ancra den amor, cuido, y compromiso pa inclusion.

   Rotary Club Aruba ta extende gratitud sincero na Sonrisa, e personal dedica, boluntarionan, y sostenedornan  cu aña tras aña a contribui na e exito di e evento aki. Un danki special na nos fiel caterer, “Taste Buds Cafe”, kende for di inicio a forma parti di e evento aki. Hunto, nos ta sigui biba e lema di Rotary, “Service Above Self,” sigurando cu cada miembro di nos comunidad ta sinti’e inclui y balora specialmente durante e temporado aki.

   Segun nos ta celebra e logro di 10 aña aki, nos ta worde recorda di e poder di consistencia y e balor di conecion humano. E lunch di Pasco na Sonrisa no ta djies un cuminda, e ta un celebracion di bida, inclusion y e goso di por duna back.

   Di e manera aki Rotary Club Aruba kier a duna danki di curason na tur su miembronan, colaboradonan, companianan y e comunidad henter di Aruba cu ta kere den nos causa. Nos ta desea tur hende un feliz dianan di fiesta y un prospero aña nobo. Nos ta spera di por sigui duna back na nos comunidad den aña 2025.