Rotaract Club of Aruba ta organisa seminario cu informacion valioso tocante salud mental

ORANJESTAD (AAN):  Diasabra awo lo tuma luga e di ocho seminario di You Inc. 2023 organisa pa Rotaract Club of Aruba.

Un seminario cu durante añanan a crece y bira uno cu ta bon atendi pa tanto hoben como adulto. E aña aki, despues di dos aña di ausencia, Rotacact Club of Aruba ta bin bek cu You Inc. cu lo tin como topico ‘Mental Health in Business: Body.Mind.Soul’.

            Salud mental ta un topico cu ta toca nos tur, mas ainda mirando e ultimo desaroyonan cu tin riba nos isla y tambe rond mundo. Esaki lo ta un seminario unico y interesante pa tur esnan cu kier sa mas di e importancia di salud mental pa nan bida personal, pero tambe bida profesional. E mainta aki lo conta cu varios orador, cada un lo cubri un topico.

            E seminario You Inc. ‘Mental Health in Business: Body-Mind-Soul’ lo tuma luga diasabra awo, 27 di mei di 9’or di mainta te cu 1’or di merdia den Hilton Ballroom.