ORANJESTAD (AAN): Minister di Turismo y Salud Dangui Oduber a laga sa cu te cu siman pasa a yega riba e personanan di 18 aña bay ariba na 73% di e poblacion vacuna contra Covid-19.
Pa loke ta e 'booster-shot', cu te cu aworaki ta pa personanan di 50 aña bay ariba, tin casi 13 mil persona cu a ricibi e di tres dosis aki caba, segun Oduber.
Esaki ta nifica cu ta papiando di riba 70 mil persona cu a haya nan tres dosis. Ainda tin rond di 60 mil hende cu lo mester haya nan 'booster-shot'. Esnan cu a haya nan 'booster-shot' ta rond di 15%, Minister Dangui Oduber a indica.
Comunidad ta pendiente pa haya sa ki dia e otro grupo di edad por cuminsa haya nan di tres dosis. Esaki lo ta e grupo di 40 aña bay ariba o kisas lo amplia e grupo aki na uno di un rango di edad mas amplio.
Esaki ta algo cu hopi hende ta pendiente di dje.
