ORANJESTAD (AAN): El a cumpra su number consistiendo di cuatro cifra, y a agrega un signo zodiacal na dje y asina a hunga den wega di Zodiac.
Andres a keda contento pa mira, cu el a gana tambe! Pesey riba Dialuna el a acudi na oficina di Lotto na Playa pa reclama su premio.
Ora el a yega, mesora e empleadonan di Lotto a revisa si el a pone su firma y e number di banco na e banda patras di e ticket. E ora a bay scan e barcode, y mesora e computer a confirma cu Andres a gana 12.500 Florin cu e wega di Zodiac.
Asina a cuminza cu e proceso pa transferi e premio electronicamente pa su cuenta di banco. Andres mes a bisa cu e ticket ganador el a cumpra na Big Ten Lottery.
