Ronchi de Cuba a sorprende tur hende durante Aruba Fashion Week 2024

ORANJESTAD (AAN): Un biaha mas e diseñador local Ronchi de Cuba, a impacta den e industria di moda na Aruba! 

E icono Arubiano a cera e actividad di Aruba Fashion Week 2024 na The Ritz-Carlton, Aruba.

   E evento di moda aki a cuminza na aña 2016, y a stop e.o. debi na pandemia.  Pero e aña aki nan a celebra e di cinco aniversario.  Aruba Fashion Week indiscutibelmente a bira un di e eventonan di moda mas grandi den region aki.  Aki ta unda cu cultura y moda ta mezcla y ta presenta un euforia di diseño di e ultimo den moda, y tambe algun diseño avant-garde.

   E actividad e aña aki tabata henter siman pasa y den weekend.  E final grandi tabata esun unda cu Ronchi a presenta cu un runway di diseñonan luhoso y na final tur hende riba pia pa dune aplauso.  E tabata un “epic standing ovation” manera un persona a describi e momento ey na DIARIO. Pabien Ronchi.

   Un biaha mas, Aruba Fashion Week 2024 a resulta di ta un actividad trendy, inovativo, y sigur hopi bunita y luhoso.