Workshop na caminda di Ateliers ‘89 Punto Di Beyas Arte Aruba
ORANJESTAD (AAN): Durante e ultimo lunanan Ateliers ‘89 a bin ta re-organizando su mes. Renobando asina recientemente su stichting cu un cuerpo nobo y dinámico. Bou di e guia di su voorzitter nobo señor Michael López.
Acompaña e secretaris di e stichting, señora Noraina Pietersz y señor Gibi López, como tesorero. Unda a bin ta escohe door di motibonan fuera di nan alcance, pa cancela e programa planea pa fin di aña 2024. Ta pa e motibo aki a dicidi di bin cu un programa completamente nobo pa fin di e aña. Un programa mucho mas interesante y actual. Na unda den futuro cercano lo concentra na traha cu nos mes un maestro y artistanan. Un cambio pa crea mas oportunidad pa e artistanan local, di Caribe y di e paisnan mas cerca, di Mesoamérica y Suramerica. Sin kita afo e posibilidad pa mundo henter. Den e programa di residencia of di workshop.
E programa nobo lo cuminsa na September di Dialuna 2 pa Diahuebs 26. Cu dos workshop uno di Escultura 3D y e di dos di Dibuho-Pintura.
Na October lo sigui cu Moda for di Dialuna 30 di September pa Diahuebs 24 di October.
Den November Ateliers ‘89 ta invita como institución na e di 15 Bienal de la Habana Cuba 2024 - 2025. Cu participacion di su artistanan na e bienal. Apertura 15 November.
December ta planea pa termina e a aña 2024 en grande. Unda nos lo habri nos exposicion major pa 2024 - 2025, titula Arte Bruto. Cu diferente artistanan local di Ateliers ‘89. Cu su gran programa di apertura invitando un y tur cordialmente, pa ta presente Diadumingo 1 di December pa 6pm, den salanan mayor di exposicion na Ateliers ‘89.
Pero actualmente lo cuminsa di e forma aki cu e programa nobo na Ateliers ‘89. Manera di custumber e workshopan lo ta cuater bes pa siman pa un luna. Y pa amplia e posibilidadnan pa por participa, lo bin cu dos opcion nobo pa un e luna. Cuminsando asina Dialuna 2 di September 2024.
Cu e prome workshop atardi for di Diamars 3 di September, Diahuebs, Diabierna di 3 pa 6pm y Diasabra mainta di 9.30 pa 12.30 pm.
E e di dos workshop lo ta di Dibuho y Pintura. Lo ta anochi di 6.30 pm pa 9.30 pm, di Dialuna pa Diahuebs, pa cuater siman.
E workshopnan aki lo termina tradicionalmente cu un exposicion di e obranan di arte crea durante e dos workshopnan. Ariba Diahuebs 26 di September pa 8:00 pm.
Tayer di Escultura 3D Tapestry: Ateliers'89 ta invitabo cordialmente pa participa na tayer di escultura mixed media "3D Tapestry" bao guia di artista visual Romelinda Maldonado cuminsando September 3. E tapijt su importancia ta bisto den diferente cultura indigeno y antiguo. No solamente e tin hopi balor y rikesa cultural pero tambe e tin su funcion nan practico y ritualistico. E tin uso ornamental, ta embeyece y denota status y e ta yena cu simbolismo; tradicion, cultura, folklor y mythologia.
E ta asina special cu nos por hasta wak e bek den e mundo di moda. Mescos cu e base di un tapijt nos bida ta consisti di un net di conexion geweave den otro. Nos Tapijt di Bida ta cosisti di varios storia unda cu nos ta comparti, intercambia y experiencia cu otro. Con bo ta conecta cu otro? Kiko bo kier traspasa na otro? Kiko ta bo storia of statement cu bo kier comparti y transforma den un obra?
Pa medio di introspecion nos lo sende inspiracion creativo y hunto nos lo nabega full e proceso artistico for di concepto te producto final. E caracteristicanan y estetica di tapijt lo wordo utilisa pa saca inspiracion y crea bo obra di arte. Kico ta hasi un escultura uno fuerte?
Nos lo investiga ki forma ta adecua pa conta bo storia y con ta converti bo Tapijt di Bida den un forma 3-D. Usando diferente medium nos ta fuse inspiracion y storia of statement personal hunto den un escultura unico cu ta bai den exposicion.
Romelinda Maldonado ta un artista visual autodidact naci y bibando na Aruba. Ora cu la bai Hulanda pa sigi su estudio e la rediscubri su amor pa arte. Bek na cas e la participa na varios expo di grupo na Ateliers'89 entre otro; PAN- God's artists in times of Covid y Gender.
Maldonado a participa tambe na e programa di residencia caribeño Caribbean Linked na 2022 y na 2021 a participa na e Bienal di Mykonos Grecia. Naturalesa, spiritualidad, e femenino, procesonan di sanacion, lo caribeño y problemanan social ta temanan cu ta bin bek den su practica di arte.
Pa inscribi: E ta habri pa esnan di 12 aña bay ariba. Por manda email na: This email address is being protected from spambots. You need JavaScript enabled to view it. of tambe check nan website di aterliers89.org pa esey. Corda cu cuponan ta limita.
