Robby Schouten a presenta y haci su prome firmamento di buki na Superfood

ORANJESTAD (AAN):  Na Superfood Supermarket, e conocido Robby Schouten a presenta su buki nobo 'Entre 2 Continente' y

e mesun Robby a conta cu Superfood a tene un campaña pa nan clientenan y nan a sorprend'e pasobra nan a manda e buki pa hopi cliente cu nan tin.

For di mainta, Robby tabata na Superfood y constantemente hende a yega pa haya e buki firma, unda tambe el a topa cu varios conocir di dje.

   Segun Robby a splica, despues di hopi contratiempo, manera scarcedad di papel pa imprimi e buki, y a tarda pa yega Aruba na tempo, tambe cu algun trahado di imprenta a haya Covid-19, por bisa awor porfin cu "Entre 2 Continente" a sali.

   E buki aki ta un biografia di dje y di su experiencia despues di 56 aña na Telearuba y 54 aña na TeleCuracao.

  E biografia tambe ta trata di su famia y e pueblo di e islanan Hulandes den Caribe y esnan leu fo'i cas bibando na un otro parti di mundo. Banda di esaki, lo tin hopi tema interesante di mi bida y ademas di nos hendenan di nos islanan.

    E storia di “Entre 2 Continente” ta cuminsa na aña 1895, segun Robby a indica na DIARIO. Robby Schouten tabata hopi contento pasobra esaki tabata su prome firmamento di buki.