Na Radisson Blu Aruba
ORANJESTAD (AAN): Imaginabo 5 ora di Happy Hour, cu specialnan di bebida y parkeo gratis! Radisson Blu Aruba ta introduci ‘Sundown at BLU’, cu ta un happy hour cu ta bay tuma lugar tur Diaranson y Diabierna for di 4:00 pm te cu 9:00 pm na Blu Tap Bar na Palm Beach.
Nan lo tin bucket special di cerbes Estrella Galicia na prijs atractivo, tambe algun biña y cocktail ta bay na 2 na prijs di 1. Tambe tin demas special riba drinks. Sundown at BLU lo ofrece cinco ora pa bo relaha, interactua cu amigonan, y goza di e anochi. Blu Tap Bar ta duna bon bini na huespednan di Hotel, bishitantenan, y tambe publico local.
Diaranson dia 11 di luna 11, ta e comienzo oficial di Carnaval tambe, y pa marca e ocasion, nan lo trece ambiente Carnavalesco na Sundown at BLU riba Diaranson 11 di November cu un edicion special. Lo bay tin entretenimento, premio, y algun sorpresa mas henter anochi, mientras lo bo ta gozando di specialnan extendi di Happy Hour.
Den futuro cercano lo tin mas actividad relaciona cu Carnaval, pa asina duna tur hende mas motibo pa sigui cu e celebracion na Sundown at BLU.
