VALLEDUPAR: Durante un razzia cu Polis a tene na dos cas, den colaboracion cu Ministerio Publico,
nan a logra di confisca un cargamento di 700 boter di whisky cu parce ta wordo usa pa hinca licor manipula y bende nan durante Festival di Leyenda Vallenata.
E unidad di investigacion criminal Sijin di Polis, tabata na cabez di e investigacion aki, y a tene razzia na un cas den bario Pescaito net banda di rieu Guatapuri, y e otro den bario El Carmen.
El a cuminza ora cu Polis a haya un tip, cu tin un grupo cu ta preparando 700 boter bashi di whisky cla pa yena nan cu licor manipula y bende nan na e festival, na un prijs hopi abao. Clientenan lo kere cu ta whisky original nan ta cumprando, pero mas bien ta otro tipo di whisky barata.
Polis di departamento di Cesar a indica cu esaki ta e di dos golpi cu autoridad a dal contra esnan cu ta sigui plama y bende licor falso durante e Festival.
Na un di e casnan aki, ademas di e licor manipula, nan a haya boternan bashi cla pa wordo yena, y tambe tapaderanan cu cierto marca reconoci mundialmente di Scotland.
