ORANJESTAD (AAN): E ta un di e weganan favorito di hopi hende pa e sorteonan di Lotto.
Ta trata aki di Zodiac. Bo tin di djis escoge un number consistiendo di cuatro cifra, agrega un signo zodiacal y asina bo ta den wega.
Esey ta loke Reynold a haci tambe. El a acudi na su rebendedor faborito y e biaha aki a cumpra un ticket loco pa e sorteo di Zodiac. Ora cu el a check e sorteo, el a nota cu el a gana tambe!
Pesey riba Diamars el a acudi na oficina di Lotto na Playa pa asina reclama su premio. Aki nan a revisa su ticket, y ora di scan e barcode, e computer a confirma cu Reynold a gana 12.500 Florin cu e sorteo di Zodiac Merdia.
Mesora a sigui cu e proceso pa transferi su premio electronicamente pa su cuenta di banco. Reynold a indica cu e ticket ganador el a cumpra na Big Ten 5.
