Reunion pa establece un plataforma di crecimento economico pa Caribe

Reunion pa establece un plataforma di crecimento economico pa Caribe

Ministro Geofrrey Wever ta optimista

ORANJESTAD (AAN): Riba Diamars hunto cu Departamento di Asunto Economico, Ministro Geoffrey Wever a reuni cu señora Hildegard Nefs di Deloitte, den cuadro di un investigacion cu ta evalua posibilidadnan pa establece un Economisch Groei Platform Cariben, un plataforma regional cu por contribui na desaroyo y crecemento economico di e islanan Caribe Hulandes.

   Durante e reunion, Minister Wever a ricibi un actualisacion tocante progreso di e investigacion y a tene un intercambio di idea tocante e vision y prioridadnan di Gobierno di Aruba, pa cu nan por wordo considera den desaroyo di e plataforma.

   Pa Minister Wever, cooperacion economico regional ta importante pa habri porta pa mas oportunidadnan di inversion, stimula comercio y fortalece e posicion economico di Aruba.

   E participacion di Aruba den e proceso aki ta importante pa cualkier iniciativa regional den futuro por tene cuenta cu nos realidad economico, nos necesidadnan y e oportunidadnan cu nos pais tin pa ofrece.

Gobierno di Aruba ta sigui enfoca riba fortalece cooperacion cu nos socionan den Reino y den region Caribe, cu e meta di crea mas oportunidadnan economico y contribui na un economia mas diversifica, competitivo y duradero.