Presidente di Parlamento Marlon Sneek:
ORANJESTAD (AAN): Marlon Sneek, Presidente di Parlamento di Aruba a indica cu dia 21 tin un reunion na Hulanda, IPKO, y tabatin un tiki deliberacion riba dje.
Den principio e tres islanan Hulandes Caribense no tabata sinti pa e reunion. A haya peticion di Eerste Kamer pa splica cu nan no tin eleccion y cu nan t’ey y nan lo encarga nan mes pa e reunionnan aki sigui, Marlon Sneek a señala.
Si cancela e reunion aki ta bay haci dos aña caba cu no tin IPKO. Tin temanan cu a keda colga y cu ta di interes manera enseñansa cu tin e riba agenda pasobra te dia di awe tin problema cu e studiantenan cu a caba y cu tin cu paga bek, tur cos no ta canando manera mester ta, presidente di Parlamento a indica.
Tambe tin problema cu e studiantenan cu ta bayendo awo cu no tin luga pa nan keda. Ta bezig cu e temanan ey.
Tweede Kamer a pone un reunion cu e temanan di importancia y cu nan como comision cu ta bayendo un eleccion lo por atende toch.
IPKO ta un di nan cu a cay den e lista cu lo por wordo atendi pasobra tin continuidad como tambe garantia cu e afspraaknan cu tin eynan ta bay tuma luga y ta bay sigui, Marlonn Sneek a declara.
