Restaurant nobo Bogart's a haci su apertura oficial 

ORANJESTAD (AAN): Diasabra anochi a tuma lugar e gran apertura di Bogart's den presencia di doñonan di e restaurant, e pareha Franken y invitadonan special.

            Pa e ocasion aki, Prome Minister Evelyn Wever - Croes a corta e cinta durante e ceremonia di apertura. Bogart's ta un 'fine dining & piano restaurant' unda tur anochi ta bay tin un hende cu ta toca piano y esnan presente por deleita nan smaak cu cuminda di mediteraneo - internacional for di 5 pm pa 11 pm. Su ubicacion ta J.E. Irausquin 384 A.

            Sra. Franken mes a splica cu e restaurant mes ta un concepto special pa e hendenan local cu tambe kier sali pa pasa un anochi romantico y sinta y scucha bon musica bibo. Turistanan cu ta bin Aruba tambe gusta e concepto aki, a agrega.

            Tabata un tremendo anochi unda e invitadonan special a gosa di e concepto di Bogart's.

            Masha pabien na Bogart's di parti di DIARIO!