PARAMARIBO: Como 13 muher cubano y venezolano kendenan ta victima di explotacion sexual, a wordo rescata door di Polis di Suriname, y nan a aresta cinco sospechoso di traficacion humano.
E investigacion a start despues cu un muher stranhero (di cual Polis no a divulga su nacionalidad) a huy di e Club Nocturno y a bay pidi auxilio na autoridad.
E muher aki hunto cu otro 11 muher procedente di Cuba, y dos for di Venezuela tabata wordo obliga pa haci trabao di prostituta na e negoshi, cu ta situa den distrito di Nickerie.
E victimanan aki tabata wordo treci Suriname cu pretexto falso, y tabata wordo hospeda den cambernan di e Club.
Segun e investigacion, nan mester a duna un suma mensual na doño di e Club Nocturno pa e alohamento, tambe e pago cu e clientenan ta duna nan a cambio di tene relacion cu nan.
E 13 muhernan cu a wordo rescata durante e razzia, a wordo hiba awor na un lugar safe pa hospeda.
E sospechosonan deteni pa traficacion humano, ta un homber Surinameño, un Venezolano, y tres muher Cubano. Polis no ta descarta cu mas hende por wordo aresta relaciona cu e caso aki.
