ORANJESTAD (AAN): E participacion na e sorteo di Lotto 5 ta grandi e dianan aki, specialmente mirando e hecho cu e jackpot ya a yega na 1.550.000 Florin.
Den un recien sorteo, e ciudadano Jean a bira contento ora di mira cu su numbernan di suerte a yude gana di 2ndo premio di Lotto 5. Pesey mes riba Diahuebs el a acudi na oficina di Lotto na Playa pa reclama su premio.
Jean a entrega nan su ticket pa wordo revisa, y ora di scan esaki den computer a confirma cu el a gana e 2ndo premio di Lotto 5, y a haya e suma di 15.631 Florin.
Mesora a sigui cu e proceso pa transferi e premio electronicamente pa su cuenta di banco. Jean a indica cu e ticket ganador el a cumpra na Lucky Day.
