WILLEMSTAD: Diadomingo mainta, Centro Operacional Maritimo (Centro MOC) di Wardacosta di Caribe Hulandes,
a ricibi yamada urgente encuanto un incidente riba lama, den area di Blue Bay na Curaçao. Lama ta hopi bruto e dianan aki.
Nan a haya informacion cu un boto piscado a cuminsa sink eynan. Mesora Centro MOC a laga e Helicopter lanta vuelo pa asina mobiliza pa eynan. Un avion Dash-8 di Wardacosta cu tabata patruyando caba den area, a mobiliza pa eynan y nan a localiza e piscado basta rapido.
E Helicopter tambe a yega rapido, y a cuminza mesora cu e proceso di rescate pa asina yuda e piscado local.
Despues e Helicopter a bay cu e piscado rumbo pa Aeropuerto di Hato. E piscado tabata den bon estado di salud y no tabatin mester di yudansa medico.
