Minister Rocco Tjon:
ORANJESTAD (AAN): Ministerio di Husticia ta ocupa cu e renobacion di warda di polis, pero tambe cu e renobacion di Brandweer na San Nicolas. Relaciona cu esaki, Minister Rocco Tjon a indica cu tin diferente proyecto infrastructural cu a wordo inicia.
Y pa loke ta e trabaonan di Post Sierra nan ta canando segun plan. Si tur cos ta bon, tur cos lo keda cla cu e renobacion den luna di December. Esaki lo nifica cu e bomberonan lo por muda bek den nan post completamente renoba.
Por lo pronto, e mandatario a bisa durante un rueda di prensa dialuna, cu e bomberonan lo keda ubica na Savaneta, na e ex hulpbestuurskantoor, te ora cu e trabaonan na San Nicolas keda cla.
