ORANJESTAD (AAN): Siman pasa, Ministro Gerlien Croes a comparti imagennan di e trabaonan di renobacion di Aruba Huis na Den Haag.
E renobacion a cuminza despues di varios anja di decadencia y kedando bashi.
Cu un inversion di casi 5 miyon Euro, e edificio monumental ta wordo renoba, y e meta original ta pa keda cla cu esaki durante e anja aki mes.
Ministro Gerlien Croes a indica cu e renobacion aki ta un forma unda ta establece bek su balor y respet pa Aruba y pa e funcionarionan staciona na Hulanda cu yen di orguyo ta representa nan isla eynan.
E edificio di Aruba Huis aki ta pertenece na Hulanda, y ta wordo reconoci tambe como Monumento di Reino Hulandes.
