ORANJESTAD (AAN): Dialuna atardi, den programa di Ivo Yanez na Canal 90, a anuncia cu esaki tabata su ultimo actividad di Carnaval como president di Stichting Musica.
E ultimo actividad cu e tin ainda pendiente pa cumpli cu ne na e Caiso Festival na luna di Mei 2026 venidero.
E ta pensa cu si acaso Stichting Musica haya un president nobo, lo por bin cu ideanan mas fresco pa e organizacion importante aki di musiconan local. E ta haci esaki tambe pa motibonan personal, y pa e cuida su salud tambe. Fuera di esey e ta haye hopi cu e tin hopi aña caba como president di e organizacion.
E ta sugeri directiva di Stichting Musica pa nan e.o. amplia tiki mas pa un directiva pa traha cu ne.
Werleman a insisti cu e no ta bandona e fundacion pa motibo di desapunto, pero ta djis e bon decision pa e tuma. E lo keda na banda si acaso por yuda duna conseho of yudansa.
Di awor caba e ta sugeri pa e bandanan musical cuminza recomenda y pone candidatonan y haci’e e biaha aki den forma di eleccion pa escoge un president nobo.
Esnan cu hopi tempo a bisa cu nan por haci un miho trabao y cu tin yen idea, awor e momento a yega pa tuma curashi pa asina por trece un president nobo pa Stichting Musica.
