Renaissance Wind Creek Aruba Resort ta anuncia e ganadornan di e competencia di Masters of the Craft

ORANJESTAD (AAN):  Masters of the Craft di Marriott International, un competencia culinario y di bebida renombra,

a regresa cu talento impresionante for di tur e hotelnan den portafolio di Marriott Bonvoy. E competencia a wordo diseña pa tanto creatividad y innovacion, poniendo enfasis riba chefnan y bartendernan excepcional den e mundo di cuminda Y bebida den cada un di e compania nan di Marriott.

            Den e ultimo tres lunanan, por a admira 800 aspirante talentoso di culinario y profesionalnan di bebida for di 80 propiedadnan di Marriott cu a competi den e competencia local y regional di Masters of the Craft. E competencia tabata basa pa crea un plato of bebida den un temporada cortico cu ingredientenan cu por a kies for di un panel como tambe un ingrediente misterioso tanto como e tecnica, sabor y creatividad tabata punto nan importante pa e huradonan.

            E competencia aki no solamente ta demostra e talento den nos hotelnan y restaurantnan, pero tambe ta inspira e generacion jong den e mundo culinario y bebida pa por crece den nan carera profesional.  

            E competencia di Masters of the Craft sigur ta trece talentonan excepcional na Renaissance Wind Creek Aruba Resort den ambos categoria di culinario como tambe den bartender. 

Participantenan den categoria di bartender tabata:

Borut Perse: Tin 2 ½ como bartender na Renaissance Island, tin e talento di por crea momentonan special cu nos huespednan. Borut ta fascina di por crea bebida cu lo balansa perfectamente cu cualkier plato di cuminda cu e huesped ta desea.

Israel Watanabe: Tin 2 aña como un ‘mixologist’ na L.G Smith’s Steak & Chop House.  Tin un estilo diferente, moderno cu ta cla pa duna su ‘one man show’

Ishra Kelkboom: 9 aña como cocktail bartender, trahando actualmente na SOLE bar na Renaissance Ocean Suites sa con pa crea experiencianan memorabel cu su creacion di bebida.

Omida Lounex: Tin 4 luna como waiter y bartender na SOLE bar na Renaissance Ocean Suites, e ta gusta  loke e ta hasi i esaki sigur por a admira esaki durante su presentacion di Masters of the Craft. 

Participantenan den categoria culinario tabata:

Boro Dimbeswar: Tin 2 aña como ‘Demi de Partie’ na Renaissance Aruba tin un pasion y amor pa cumindanan di tur parti di mundo ta cla pa impresiona cu su toke local!

Errol Williams: Tin 5 aña como ‘Chef de Cuisine’ na L.G Smith's Steak & Chop House. Errol su satisafasion ta pa disfruta e resultadonan di cada creacion di cuminda riba e cara di su huespednan

Ronny Martinez: Cu apenas 1 aña como ‘Sous Chef’ na Renaissance Island,  Ronny su talento ta pa crea momentonan inolvidabel cu su creatividad den cushina.

Guarav Saklani: Tin 2 aña como ‘Chef de Partie’ na Renaissance Aruba. Gaurav su creatividad den cushina ta destaca y ta sobresali ora di peticionnan special di su huespednan. 

Participantenan pa e categoria di pasteleria tabata :

Nohemy Ruiz: cu apenas 4 luna como ‘Pastry Cook’ na Renaissance Aruba, pero cu e habilidad artistico ta pone cu e ta sinti su mes na cas y cushina ta su lugar favorito.

Arvind Singh: tin 1 anja como ‘Chef de Partie na Renaissance Convention Center y tur dia ta un experiencia unico den su mundo di pasteleria. 

            E competencia a sigui reglanan stricto pa ambos categoria di bebida y culinario por a admira talento, pasion, creatividad y innovacion den cada presentacion di cada participante. Pabien na tur participante Cu orguyo nos ta anuncia e ganadornan di Masters of the Craft na Renaissance Wind Creek Aruba Resort.

E ganador di categoria culinario a keda den persona di: Ronny Martinez

E ganador di pastry a keda den persona di: Arvind Singh

E ganador di categoria di bebida a keda den persona di: Borut Perse